Ամեն ինչ անելու ենք, որ Հայաստանը մնա ինքնիշխան պետություն և իր դաշնակիցների հետ հարաբերությունները կառուցի միայն Հայաստանի շահի գերակայությամբ՝ իհարկե հնարավորի սահմաններում: Պոպուլիզմով չզբաղվենք, մենք գիտենք, որ քաղաքականությունը հնարավորի սահմաններում է կառուցվում, և նրանք, որ շեղվում են, պատժվում են և երբեմն կորցնում ինքնիշխանությունը: Մենք հիմա կանգած ենք այդ վտանգի առջև: Ես իմ որդուն տվել եմ Հայաստանի ինքնիշխանության համար: Մենք պիտի փորձենք պահել մեր ինքնիշխանությունն ու կամաց-կամաց այն ավելացնենք: Մեզ պիտի նորից հարգեն: Այս պահին մեր պետության նկատմամբ հարգանքը զրոյացած է, և այս իշխանությունները նաև դրա համար պիտի պատասխան տան: